مرحبا

انا خصلت توجيهي بمعدل 70% الفرع الادبي

وياريت الي بيعرف شو في اقسام بالجامعة بتقبل هادا المعدل يحكيلي

لاني مش عارفة شو بدي ادخل

واي جامعة بتنصحوني اسجل فيها

ياريت ما تبخلوا عليا

انا بستني

تشاااوو

soska

كان نفسي اساعدك والله يا منكوشه بس زى ما انتى عارفه انا بمصر وما بعرف شو النظام عندكم؟؟؟؟؟؟
ان شاء الله بتلاقي اللى يساعدك.

نور الحلى

امممممم وانا من البوسنة والهرسك منكوشة ومشغولة بحرب الصرب والشيشان
هههههههههههه
اول شي مبارك النجاح ياقمر وإنشالله عقبال الشهادة الكبيرة يارب
وتاني شي بالنسبة للجامعة وهوا كالآتي:
الإسلامية: أسعار نار وحريقا مولعة>>> اكبر غلطة اني فيها هههههه
جامعة فلسطين: أسعار نارين مو واحد هههههه>>> نصحية عدم الإقتراب هههههه
الأقصى: امممممم مش بطالة وحلوة وفيها مجالات كتير ممتازة
الأزهر: ما بعرف عنها شي ههههههه بس تخصصاتها حلوة ياورد
هاد الي بعرفو
تالت شي بالنسبة للتخصصات وهي كالآتي:
شوفي حبيبتي انتي لشو انتمائك اكتر شي واكتر مجال انتي بتحبيه
ورابع شي إني بتمنالك كل خير وموفقة ياقمر

منكوووشة

بسيطة يا حجة

اعتبري المساعدة وصلت

تحياااتي لعيونك

منكوووشة

والله
انا من الاول كان بدي الاقصى

اصلا جبت طلبات من كل الجامعات

حتى من كليه غزة للتدريب المهني اجاني طلب تسجيل

بس متحيرة شو اختار

ان شاء الله حقدم الطلب في الاقصي

بس سمعت انه الدوام فيها كل 3 ايام بفرع من الفرعين

وشكرا يل عسل عالمساعدة

منووورة يا قمر

imported_الرقم الصعب

[align=center]مرحبا منكوشة احكيلك شى
بالنسبة لالك انتى سكان غزة مو هيك انا بحكيلك هالشى ووائق منه
بالنسبة للاقصى كل تخصصات جامعة الاقصى حيصير دوامهم فى خانيونس على البحر يعنى
ما عدا تخصصات ثلاثة الى حيكون دوامهم فى غزة وهما كلاتى
1_ الصحافة والاعلام
2_ تكنولوجيا معلومات
3_اللغة الفرنسية
هادول التخصصات بس الى حيداومو فى غزة وباقى التخصصات بخانيونس وعلى الاكيد
يعنى باعتبارى انا حابب انصحك يعنى انو الجامعة الوحيدة المناسبة لالك جامعة الازهر
على حسب دوامها فى غزة وعلى شانها اصلا جامعة خاصة مو حكومية وما فيها مشاكل يعنى
تحياتى منكوشة
ارجو انى ما اكون صعبت الامور عليكى
بس انتى حكيتى فيدونى وهينا فدناكى
تحياتى
تقبلى مرورى [/align]

missed call

يا ريت اكون لحقتك انا تقريبا زي معدلك
بس اعلى شوي
المهم انا رحت عالجامعة وطلعت عكل شي هلقيت ما تدخلي شي
لانو كل المعدلات هلأ معليينها وانا رحت لرئيس مجلس الطلبة
قلي الاسبوع الجاي بدها تنزل المعدلات استني شوي وبعدين بتسجلي
وبدك نصيحتي انتي معدلك ادخلي يا مهن طبية وبالمرة بنصير زملاء
يا بتدخلي تجارة انجليزي او عربي غير هيك ما تدخلي
والجامعة الوحيدة المنيحة انا عندي الازهر لاني دخلت الاسلامية وشفت
كيف الكئابة فيها مع اني كنت بدي اسجل فيها بس بطلت
يا ريت اكون فدتك

سلاااااااااااااااام

شلة الانس(بانجو و حشيش) ™

مرحبا يا اختى

انا بعطيك نصيحتى لانك طلبتى النصيحة وهاد بنتحاسب عليه يوم القيامة


انا قبل ما اعطيكى النصيحة حابب اسالك سؤال؟؟؟؟
انتى حابة تتعلمى ولا بس حابة تروحى عالجامعه وتحسى انك كبيرة؟
اذا الجواب كان الاول بنصحك تروحى عالاسلامية

اما اذا كان الجواب التانى روحى عالقدس المفتوحة بيكون احسن


لانه صحيح فى الاسلامية النظام عقيم والرسوم نار متل ما حكت نور


بس فيها طاقم تعليمى بيخوف


وبجد بجد بتستفيدى من اى تخصص

وبالنسبة للتخصص ادخلى الى انتى مايله اله


واخيرا مبروك النجاح

وانشاللله ما اكون طولت عليكى


سلاااااااااام