 الاهداءات | |
| |||||||
| حركات البوح الأدبي الحر " مساحة حرة للبوح " اجتهادات أدبية , همسات عابرة ، خواطر أدبية |
 |
| | LinkBack | أدوات الموضوع | إبحث في الموضوع | طريقة عرض الموضوع |
06-08-2008, 12:10 PM
| ||||
| ||||
 حوار بين اسير وابنه المنتظر الابن: ماشي والشوك مْرَمَّى عَ دْرابي بتمنّى بْلهفهْ عَودِة أحبــابي من بَعدَك يابا مَ اصعبْ عذابي وعَ فراقك روحي ظلّت محزونة الأب: لا تبكي يَابني يا روح الروحِ حُزنك جوّايا فتّحلي جْروحي إنتا وخَوَاتك أغلى من روحي وعـن بالي أبَدْ مـا بِتـْغيبونا الابن: بتذكّـرْ يابا يوم اعتقــالكْ جيش الأعادي بْأحقادو جالَك والتهمة كانت ثورِة نضـالك وين العدالة يا ناس افتــونا الأب: درب المجاهد ما في هَــوَادة والسِّجِن عندو خلوة وعبـادة يِسْتنظِر يِختم عمرو بشَهـادة ما تهزّوا رياح العدو المجنـونة الابن: راحوا وما بنعرف وين مودّينَك ولمّا اندلّينا كــانوا مْقاضينَك ثلاثهْ مَأْبـّدْ، يا ربِّ يعينــك أحكام الظــالم تَيهزمــونا الأب: هذا قدرنا أنــا واخـواني لكن عاهــدنا ربي بإيمـانِ نتحدى القيد وقهر السجّـانِ وشو ما اتجبـّروا ما بيهزمـونا الابن: دلّت عليك عيون العمــالة مين يورجينا فيهــم عدالة رَيّـحْ وطنّـا من هالنـّذالة مش منّـا يابا هَلّي بيخـونا الأب: إلخاين، غدر مْعشّش في راسو حَرَم هالوطن من خِيرةْ ناسُـو بيجيلو يومُ ونِقـْلعْ أساسـو ونجعل نهــارو أسود اللـونا الابن: شعبي يا يابا وحدو بيجاهـدْ ورغم المصايب عا أرضو صامدْ مين اللي يوخذ بيدو ويسـاعِد بيرُدّ الصـدى ومــا بِيرُدُّونا الأب: لو كلّ العالم عن شعبـَك وَلّى الله مـعانا يِـرعى ويتــولّى وعـن مبادينا ما رح نتخـلّى تشهــد علينا أرض الزيتونا الابن: وعداً يا يابا، واللهْ نصــيري لَخَلّي دربك دربي ومصـيري واكسر مع شعبي قيدَ الأسيري ونفدي الحريّة بأغلى ما يكونا *** وزندي مع زندَك نهزم صهيونا
 |
|
| مواقع النشر (المفضلة) |
| الكلمات الدليلية (Tags - تاق ) |
| المنتظر, اسير, حوار, وابنه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| [ برنامج ] : احدث اصدر لى مسنجر الياهووو 2009 | ابو ليان | برامج الماسنجر و المحادثات | 5 | 11-25-2009 01:39 PM |
| البرنامج المنتظر برنامج تغيير سطح مكتبك كل دقيقة | آهات دفينة | حركات الكمبيوتر والأنترنت | 3 | 05-26-2009 01:44 PM |
| حوار باالصدفة | tariqq | حركات المـواضيـع الـعـــامــــة | 6 | 03-30-2009 04:16 AM |
| حوار مع لحظة | ابو هادي | حركات الشريعة والعقيدة الصحيحة | 5 | 05-11-2008 09:14 PM |
الإعلانات النصية | |||
العرض العادي
