فكرت مرّه اسرق البنك واعتـاش
وصممت من قلبي انفـذ قـراري

وجهزت نفسي في مسدس ورشاش
ثم استعديـت لجميـع الطـواري

لكن قبل لا اسرق البنك وانحـاش
احترت بين المركزي والتجـاري



احدى الشاعرات ابتلاها الله في حبيب مزعج فهو بالاضافة الى غبائه شره

ومتخلف ويتضح ذلك من قولها

لي قصةٍ مع صاحبي فلم هندي
دايم انا ويّاه فـهواش ودمـوع

ودّه يسامرني على تيس منـدي
وانا رقيقه ودي بازهار وشموع

خلّي غبي والعقل عنده مصدّي
وبفن التخلف حايزٍ شكر ودروع

قلت له تطور عيش باشا وافندي
الى متى وانت بتخلفك منـزوع

قام وتلفّت قـال قومـي تغـدي
هذرتك واجد يوم انا ميتٍ جوع




تعرض احدى الشعراءالى اصابات بليغه بسبب ترديده لاسم محبوبته وهو

نائم وهنا يشرح ماتعرض له..

ناديت باسمك وانا مع زوجتي راقد
لين رفستني على بطنـي برجليهـا

وسويت نفسي مثقف واعي وناقـد
واقول عادي مصير الوقت يرضيها

ويم كفختني طراق وصحت انا حاقد
الله يلعـن غـلاك ويكسـر يديهـا

واحترت انا وين ابلقى لي بدل فاقد
ولقيت وحده تهـزز لـي علابيهـا




حاول الشاعر سليمان الطويل التهرب من دائنه المسمى شبيب بالالتجاء للمسجد
وماترك فرض ولا نافله الا صلاها ليطيل في ذلك املا في ذهاب شبيب عنه
ولكن دون جدوى ..

وحين اتم صلاته قال..

صليت بالجامع وسبحت تسعيـن
مع كثرهـن واتبعتهـن بتهليلـه

وقريت عـمّ والمدثـر وياسيـن
ادخل على الله مايخيـب دخيلـه

وقريت وِردي عن جميع الشياطين
وشبيب ماسوى به الـورد حيلـه




كم هو الحزن الذي ينتاب من فقد نعيلاته .. ياويلي عنه ويلاه ..

خصوصا اذا صار له معها عشره طويله ( اكرمكم الله )

هكذا يعبر عنها الشاعر

ياوجودي وجد من ضيّع نعوله
لاقيٍ وحده والاخرى مالقاهـا

عايشٍ معها من ايام الطفولـه
شاب راسه بس نعله مانساها




الشاعره عابرة سبيل رحمها الله تقول

أنا لي ثمـان سنيـن متولعـه واغليـه
وعلى جملة أهل الحقد والعذل محتجـه
كتبت القصايـد كلهـا ياجماعـه فيـه
عليه الحشا مثـل القراطيـس بالعجـه
عقب هالعمر يسأل قصايدك من هو فيه؟
ياويل قلبي كـان نشدتـه مـن صجـه
أنا ودي أطقـه واخـاف أتوثـم فيـه
هبيـل بـلاه الله فـي بنـت مرتجـه



شاعر مفلس يقول

البنـك لـولا لوحتـه ماعرفنـاه
من قل ماندخل على موظف البنك
ماغير نقـرا لوحتـه وانتعـداه
وان قيل هذا البنك قلنا اتركه عنك



شاعر راعي مشاوير..

قلبي قبل فرقاك ما ينقص الزيت
واليوم ازيده في كل مشوار علبه



شاعر راعي ذود..

سلام أحلى من حليب أشقح النوق
إلى صار توه بالغضار محلوبي



شاعر حزين...

أحزن على فرقاك مثل الوراعين
لآ مروا الدكان وأسرع أبوهـم



شاعر راعي غنم..


ما أنساك لو يسكن ولد بوش بطريف
ويسرح كلنتون بالغنم حول .. رفحا !


يالله عاد انتظر مشاركاتكم

المختار ويكا

اسمع انا بدى اقلك ردى فى المةوضع
موضوعك حلو بس
شوف راى الشباب فى
سلامووووووووووووو

green_eyes

طيب مشكور يا ويكا

أميرة الأحلام

اخي جرينـــ....

بصدق موضوعكــ فاق الجمال بمقاييسه...

رائع وفكاهي ....

احييكــ اخي من اعماق الصميمــ وتمنياتي لك بالسداد

واصل الابداع

اختكــ اميرة الاحلام

green_eyes

عزيزتي اميرة الاحزان
انا بجد سعيد بمواضيعك كتير
بجد كلما اري رد لكي اقراءة بكل شفافية واغراب
بجد كلماتك في الردو تعجز كلماتي الخفيفية السحرة علي وصفها
تحياتي واحتراي لشخصك الكريم
فادي

محب ارهابي

سيدي الغالي
لا استطيع القول سوى انها
اكثر من رائعة بكثير
واسكت
لان السكوت بحرم الجمال جمال
مودتي لكِ
وتحياتي

green_eyes

مشكور كتير اخي محب
بجد كلماتك اسحرتني بمعني الكلمة
تحياتي واحترامي