هادا موضوع دواوين و اتمنى يعجبكم و تردو عليه
بما انه هالسؤال حير ملايين من الناس الراغبين بانهم يصيرو دواوين حبيت اعطيكم الطريقه الاسرع لتكون دواوين
1-الهيئه الخارجيه البس بنطلون اخنقني زي اللي بيلبسوه العمال ولازم يكون ممزوع البس قميص لون كاكي واسع و احشيه جوا البنطلون شعرك حط عليه زيت زيتون و خليه يلزق بوجهك عبي حالك غبره او اتفعفل شوي بالتراب امزع حالك موس او باي اداه حاده بحيث انك تعمل خط من الذان للذان (غرز) و اهم اشي جيب كماشه و اقلع سنك( يفضل يكون الناب على جهة اليمين) عشان لما تصير طوشه بتحط اصبعك الكبير مكان السن المقلوع و تحكي شايفيني انا مقلع لازم يكون في وشم على ايدك مثلا باطل او عقرب او حنش و اذا حبيت تكون مميز اكتب فاطمه و قلب حب و سهم بالنص
2-الدخان لازم يكون فايسروي احمر او ميركوري
3-مكان الاقامه غرفه اربع حيطان و سقف زينكو بدون باب و الشبابيك مكسره ان وجدت في احد الاحياء المهجوره و المقطوعه
4- اختار لحالك اسم يدل على قوتك و دواوين مثلا: ابو عريضه ابو غضب ابو كلبشه ابو قنوه ابو مفك ابو شفه أي اسم و حط قبليه ابو
5-المطرب المفضل جورج وسوف و مصطفى كامل
6-:طريقة الكلامجيب ثمك على جنب و احكي بقرف و انك مش فارقه معكو نبرة الصوت لازم تكون عاليه
7- الادوات الواجب تواجدها معك: موس او علبة شفرات او قنوه زراديه ومفك مصلب و كمشة براغي و اذا كلهم مع بعض بكون احسن
8-:الهوايه لازم تكون شم الآغو و تقزيز الناس
9- لازم تتعلم اكمن كلمه حتى الناس يعرفو انك دواوين مثلا: امشي عرمشي و اتدحدل عكرشي .اطعج يا بكرج. و ميل يا برميل .سلامتك ما احلى بيجامتك .شو بالنسبه للحسبه .يا زم يعني يا زلمه. بس اختصروها الدواوين و عرازي الجباب يعني عراسي الشباب .و الباقي بتتعلمه مع الوقت
10- الحاله النفسيه : مكيف تكييف وواثق من نفسك و ما الك كبير
و اخيرا الشغل: اقعد 24 ساعه على الرصيف بالحاره و كب بلاك عالبني ادمين و يفضل انك تعمل مش اقلم من 3 هوشات باليوم اهنيك انت الان دواوين و بتقدر تعمل اللي بدك اياه و شو ماتحكي مش مهم المهم انك كبرت و صرت ديونجي
و هادا موضوعنا اليوم انشالله يعجبكم و بالنسبه للموضوع : مش الي بدو يكون من الدواوين يعمل هيك ولا لا؟ هادا هو السؤال و اتمنى الاجابه
الاهداءات
08-08-2007, 11:46 AM
هادا للي بدو يكون من الدواوين موضوع صح هع هع 
العرض العادي
