**هذا السؤال يحتاج للتركيز الشديد وعليه بونس (علامتين زيادة في دفتر الخرطوش) :
محمد وأحمد أخوة أشقاء توائم، أمهم جابتهم بعد 11بنت، وبعد ما خلفتهم أبوهم أجتله جلطة ومات، والأم من قهرها عليه لحقته في الأربعين، جارتهم سوسن كانت محرومة من الخلفة خالص، ومقضية حياتها تربي صيصان وأرانب في الخم، وتربي قمل في شعرها (ملاحظة: قمل جمع قملة، وهو كائن متطفل يعيش في غابات الشعر الاستوائية، حيث السافانا الطويلة والقصيرة، ويتغذى على دماء الآخرين، هذا المجرم ابن المجرمين)، المهم بلا طول حكي.. سوسن أخدت محمد وأحمد عندها تربيهم مع الصيصان، لأنه الأرانب كلها ماتت.. عارفين ليش؟ أنا بقولكم، هدي سوسن فيه الها جارة حسودة لقبها (أم قويق), يوم ما زارتها شافت الأرانب، وعيار ناري من عينها جابت أجلهم وفرشوا على الأرض، المهم بديش أطول عليكم.. سوسن ربت الأولاد ورضعتهم وبمبرزتهم (يعني حفضتهم) وعاملتهم زي ما بتعامل بناتها الاثنتين هناء وشيرين، ومن عجائب القدر إنه هناء وشيرين برضه توائم زي محمد وأحمد، جوز سوسن ملوش دعوة في القصة خالص، لأنه طلقها بالتلاتة من زمان، وهاجر على كندا قبل ما يشوف بناته الحلوين هناء وشيرين، المهم البنات والأولاد ربيوا مع بعض، ولما زاد الحمل على سوسن باعت الصيصان، وصارت بدل ما تبمبرز الأولاد صارت تشروطهم (يعني تحطلهم شرايط) وفي المناسبات تشمعهم (يعني تلبسهم مشمع)، أما البنات فضلت تبمبرزهم.. بيني وبينكم هدا الكلام خلق حزازيات في نفوس الأولاد، اضطرينا نطعميهم خيار لأنه الخيار بيضيع الحزاز، أحمد وهو بياكل الخيارة وقفت القمعة في زوره، أصله بعيد عنكم طفس بياكل الخيار بالقمعة، الولد لونه تغير وبدا يزرق ويصفر ويـ ...... كل ألوان الطيف.
يا شيخ خلينا نرجع لموضوعنا. الأولاد كبروا والبنات كذلك، محمد تجوز هناء، وأحمد تجوز شيرين، وسعدي تجوز رشيدة (سيبك من هدول لأنهم ما عزمونا على الفرح)، المهم فش 40يوم وإلا هناء حاملة شنطتها ومروحة لأمها.. سألتها سوسن: إيش فيه يما؟؟؟؟؟ ردت عليها: آآآآآآآه إهئ إهئ إهئ (يعني طلقني بالتلاتة)، قالتلها سوسن: وهاي اختك جوة زي حالتك. (على فكرة سعدي ورشيدة ضلهم مع بعض ومتهنيين، يبدو لأنهم ما عزموش أم قويق عالفرح، بس يا ريتهم عزموني لأنهم وزعوا فازة من النوع الغالي وحطوا ملبس 6 حبات مش خمسة زي الناس.. ملناش نصيب، إلهي يبلاه بإسهال في جرابينه سعدي ابن وفيقة). المهم.. روحي يا أيام وتعالي يا أيام، بعد 40يوم رجعت المياه لمجاريها، بس هدي المرة محمد تجوز شيرين وأحمد تجوز هناء، والحمد لله ربنا وفقهم...
محمد وشيرين إجاهم ربيع، أما أحمد وهناء إجاهم سامية والضغط والسكر والروماتزم.
السؤال الشنيع المريع!!!!! هل يجوز لربيع أن يتزوج من سامية ؟؟؟؟؟؟؟
أجب بنعمن أم بلااااا ، ثم علل الإجابة وأمرضها.......................
الاهداءات
06-28-2007, 01:45 PM
والله سؤال بده تركيز محيرني ممكن تساعدوني ؟ 
العرض العادي
