 الاهداءات | |
| |||||||
| حركات المـواضيـع الـعـــامــــة مواضيع عامه ، مواضيع ساخنه ، آراء مختلفة ، مقالات عامه كلمات قيمه |
 |
| | LinkBack | أدوات الموضوع | إبحث في الموضوع | طريقة عرض الموضوع |
01-20-2009, 11:01 PM
| ||||
| ||||
 ::: يوميـات مواطن غزاوي أثناء الحرب ::: واجا اليوم العشرين.. وكل يوم بنقول هادة أقوى يوم.. وأعنف يوم .. لا بس بجد.. اليوم أعنف وأقوى يوم شفناه.. كنا نشوف أغلب القصف على التلفزيون .. هلقيت صار قدامنا مباشر.. طول الليل الدنيا تضوي وتطفي.. زي الألعاب النارية.. بس العالم الألعاب النارية عندها من الأرض للسما.. إلا في غزة.. من السما للأرض.. هيهم وصلوا تل الهوى.. يعني بشيكل بكونوا عنا.. مش بشيكل ونص حتى.. أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم.. تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار.. مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي.. ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه.. وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة.. وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة.. والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا.. اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) .. لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح.. طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها.. مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد).. طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده.. شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني.. الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ.. بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات.. دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها".. بس هالمقولة بتنطبقش عالصواريخ.. ولا ايش رأيكم..؟ أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية.. كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي.. ويطلع الشب بحزرك انه يكون عندك سلاح.. أو تتعامل مع واحد من المقاومة.. بس اليوم حسيت انه فش إلا تلفونا بكل غزة.. مسكتش وهوة يرن.. - ألو السلام عليكم... - وعليكم السلام.. - معك فلانة من ليبيا.. الله معكم.. الله ينصركم.. الله يقويكم.. - تسلمي يا حجة.. إدعولنا.. - الله ينصركم ويحفظكم.. - يلا سلام عليكم.. - وعليكم السلام.. هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه.. ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم.. لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور.. بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا.. طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا.. أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل.. الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه.. أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو.. إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل.. ولو ضل معكم وقت.. إدعولي كمان أصير غني.. ونشوفكم على خير
 |
|
01-21-2009, 02:05 AM
| #2 (permalink) |
| رد: ::: يوميـات مواطن غزاوي أثناء الحرب ::: آمين آمين آمين الله ينصركم ويوقف معكم ويرحم الشهدا ويشفي الجرحى ربي خلقتني وأحسنت تكويني وزدتني شرفا بأن خلقتني فلسطيني فلسطيـــــــــــــــــــــن نموت لتحيا الله ثم حماس  التعديل الأخير تم بواسطة مهاجر ; 01-21-2009 الساعة 02:48 AM | |
| |
|
01-21-2009, 02:45 AM
| #3 (permalink) | |||
| رد: ::: يوميـات مواطن غزاوي أثناء الحرب ::: اقتباس:
اخي الكريم شو بتقصد الله و حماس لا يجوز العطف مع الله اي شي انا ما فهمت الجملة بس عموما يجب ان تكون الله ثم حماس التعديل الأخير تم بواسطة مهاجر ; 01-21-2009 الساعة 02:49 AM
| ||||
| |
|
01-21-2009, 04:39 AM
| #4 (permalink) |
| رد: ::: يوميـات مواطن غزاوي أثناء الحرب ::: [align=center]وصف جدااااا مؤثر يا مهاجر....يعني كتير تألمت وانا بتخيل الوضع من خلال عباراتك فما بالك انتم اللي عايشين الواقع بكل تفاصيله اللهم صل على سيدنا محمد في الاولين والآخرين اللهم عليك باليهود واتباعهم اللهم انصرنا على القوم الظالمين الله انصرنا على اعدائنا اللهم ثبت المرابطين المجاهدين في سبيلك يا الله واحفظهم وانصرهم على اليهود اللهم فرج كرب اسرانا اللهم اشفي جرحانا وخفف عنهم آلامهم اللهم تقبل شهداءنا الابرار وارحمهم اللهم صبر من قصف منزله وعوضه عنه خيرا يا الله اللهم صبر اهالي الشهداء والاسرى والجرحى يا رب وفق مهاجر وحققله اللي في باله واغنيه غنى المال والنفس وغنى طاعتك يا رب العالمين ربنا لا تردنا بعد الدعاء خائبين ولا من رحمتك آيسين وصلي اللهم على سيدنا محمد وعلى آله وصحبه وسلم[/align] | |
| |
|
01-21-2009, 08:00 AM
| #5 (permalink) |
| رد: ::: يوميـات مواطن غزاوي أثناء الحرب ::: فعلآ يوميات خليني أسميها إستشهادية هذه ثالث مرة بقرأ هذا المقال وكل مرة تأثري بزيد يبدو إنه كل أهلنا في غزة بعيشوا نفس اليوميات فعلآ إشي محزن بس شو بدنا نحكي بكفي إنه صمودكم بحد ذاته يعتبر بطولة صحيح إنه القصف من يومين خف عليكم بس يبدو إنه ع الفاضي لإنه الدبابات كلها لسه حوالين غزة والطائرات لسه في الجو ووقت ما بزهقوا بقصفوا إللي بدهم إياه يعني لسه الجراح بتنزف بس إنشاءالله راح تفرح غزة بعد كل الألم الله سبحانه وتعالى معكم والله يصبركم و إن شاء الله بتطلع الشمس وبتشرق بفجر جديد | |
| |
|
01-21-2009, 03:02 PM
| #6 (permalink) |
| رد: ::: يوميـات مواطن غزاوي أثناء الحرب ::: [align=center]حمدا" لله على سلامتك اولا" الاخ الكريم مهاجر ولجميع اهلنا الاعزاء في غزة الصمود كبيرهم وصغيرهم ...حقا انها ل لفتة مؤثرة بوصفك الواقع المرير الذي عشتموه في تلك الظروف العصيبة انت وجميع الاهل هناك ... ولكن عزيمتكم كانت اقوى من تلك الظروف وحطمت حدود الصمود اما م هذا العدوان الصهيوني الهمجي ف التحيا المقاومة ولتحيا غزة باهلها وابطالها وترابها فانتم من اعدتم للامة كرامتها وبالتحديد للقضية الفلسطينية على وجه الخصوص ومسحتم غبار المفاوضات العبثية التى نالت من قيمة هذه القضية وسارت بها نحو الاضمحلال تماما كما هو الحال لدينا في الضفة فنسال من الله ان يمن علينا بانتفاضة ثالتة هنا في الضفة لنتشرف بكرامة النصر الذي احرزتموه اللهم اجعل من الظلام نورا فى قولبهم ونورا فى سمعهم ونورا من فوقهم ونورا من تحتهم اللهم تقبل شهدائهم واشف مرضاهم وارحم الأمهات الثكالى والزوجات الأرامل والشيوخ الركع والأطفال اليتامى اللهم أنزل عليهم دفئا وسلاما وأمنا وأمانا املا" من الله ان يحقق لك كل ما تتمناه نفسك اميييييييييييييين[/align] [align=center]اختكم وابنة شعبكم التي حرقت الما" وحزنا" وقلقا" على ما اصابكم اهلي الاعزاء أم الشرفاء[/align] التعديل الأخير تم بواسطة أم الشرفاء ; 01-21-2009 الساعة 03:06 PM | |
| |
|
01-21-2009, 04:32 PM
| #7 (permalink) | ||
| رد: ::: يوميـات مواطن غزاوي أثناء الحرب ::: السلام عليكم ورحمة الله وبركاته هو ابتلاء ..ومحنة لا شك فى ذلك لاهل غزة ولفلسطين ولكل واحد مسلم واو يهودى واو غير ذلك ليميز الله الخبيث من الطيب .. والمحنه الى حصلت لنا فى غزة ديه رغم ان هى كانت قاسية ..دمويه ..عنيفة ..الا ان هى اعادت لنا القضيه بشكل مختلف ....وصححت مسارها و صححت مفاهيم كتير كانت غلط عند الناس جمعت الامة كلها على كلمة واحده احييت حب الجهاد فى الشباب المسلم حتى الناس الى كانت محايده او ماعندهاش وعي الوقت ده ...بتربى ولادها على اسس سليمة ومفاهيم صح يعنى اية فلسطين ؟؟هما مين اليهود ؟؟عايزين اية ؟؟ انت كفرد مسلم واجبك اية نحوهم هى دية البذرة دلوقتى الى بتتزرع فى اولادنا واخوتنا وبالتالى الجيل القادم هايكون اكثر وعيا واهنماماما بالقضيه الان يا مهاجر القضيه لم تعد تسمى القضيه الفلسطينيه .... غيرنا الاسم وبئت قضية الامة الاسلامية ...
| |||
| |
|
| مواقع النشر (المفضلة) |
| الكلمات الدليلية (Tags - تاق ) |
| أثناء, مواطن, الدرة, يوميـات, غزاوي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| ::: واحد غزاوي بيترجم من انجليزي لعربي ::: | مهاجر | استراحة الحركات | 9 | 07-01-2009 09:24 AM |
| ::: مطالبنا نحن أبناء القطاع ::: | مهاجر | حركات المـواضيـع الـعـــامــــة | 6 | 06-23-2009 05:51 AM |
الإعلانات النصية | |||
العرض العادي
