مقارنة بين سورية وفلسطينية
وجه المقارنة"معاملة الزوج

إذا وقع زوجها عن الدرج :
-----------------------
السورية: ولي علي أمتي,سلامتك حبيبي انشاءالله ,أنا ولا انتا ابن عمي(ميتة خوف عليه)

الفلسطينية:شو مالك دخت؟الله مابيرمي الناس بحجار خطيتي الله لا يردك(بتستناه يموت علشان تورث)

إذا الزوج بدو يسافر:-------------------
السورية: انتبه لنفسك ابن عمي ,جهزتلك الشنطه,كتر خيرك علي الاغراض اللي اشتريتها,بيكفوا
سنه الله لايحرمنا من دخلتك علينا ,اولي علي أمتي ,تروح وترجع بألف سلامه

الفلسطينية :أسبوع مبوزة قبل السفر ,وكل شوي دموع ومتي بدك تروح؟ ومع مين بدك تطلع هناك آه ؟مش تتطلع عالبنات!!! احلف انك مش رايح تروح علي اماكن فيها بنات !ما تتأخر بلاش ينقصنا اشي وأنت مسافر.
وكل يوم بتتصل بالتلفون عشان تشوف وينك وتحكيلك انه الولد سخن, وبنتك بدها تموت وكل المصايب بتقلك
إياها بتلاحقك فيها وين ماتروح(هويتها النكد)

اذ ا الزوج تأخر بره في شغل أو مع صديق:
---------------------------------------
السورية:شو ابن عمي !غلي ألبي عليك تؤبشني ياحءءء وكتير شغلتلي بالي تؤبرني ما تتاخر علي مره تانيه عشان بشتائلك انا (يؤبرني دلع الشام)

الفلسطينية: شرفت !!ّ وين كاين؟مهو انا كاينه حيوانه في الدار ,طول نهاري اكنس وامسح!!
ومع مين من اصحابك الهمل كابن تتصرمح؟ ايش جبتلنا معاك؟واللا جاي ايد قدام وايد ورا كويس عرفت الك دار وروحت(لا تعليق واضحه لان)

اذا طلبت شي منه:-----------------
السورية:ابن عمي تؤبشني تؤبر البي (كله تؤبر) حبيب البي فيك تجيبلنا شي حلو من دياتك الحلوة وعلي زوقك
شو بعشق زوئك انا يا حياتي.

الفلسطينية:اغلط مرة وجيبلك شغلة حلوة معك بقلاوة وللا كنافة بدي احلي تمي اللي مرر من هالعيشة
اللي بتقرف (هاي طخها حلال)

اذا جابلها هدية:--------------
السورية:يسلملي اياك ابن عمي حبيب البي ياااااااااااي شو بتجنن عنجد زوقك بيعئد تءبشني بتجنن الله لا يحرمني منك يا عمري

الفلسطينية:والله غاب وجاب.وياما جاب الغراب لمه,من وين جايبها وقديش حقها هاي,الله يقطع هيك ذوق مش لو جبتلنا طبخة للدار احسن(حسبي الله)

يتبع

القلم الصادق

تكمله


اذا بدك شي منها:---------------
السورية:من عيوني ابن عمي تؤبرني بتؤمر امر ابن عمي ولووووو غالي والطلب رخيص ,شو بعبد سماك
انا دخيلو انا شو بحبوووووووو علي راسي حبيب البي

الفلسطينية:مهو حرام نستريح شوي ,لازم حياتي تظل تعب ونكد , هو فش غيرك في الدار؟مش فاضية,
وللا اقلك اطلع من الدار حل عني وروح شوفلك شغله سويها,فقعت مرارتي من شغل البيت افففففففف

اذا حكالها(بدك شي؟) وهو طالع:------------------------------

السورية:تسلملي حبيب البي ابن عمي ,مابدي غير سلامتك مكفيني من كل شي مو ناقصني شي
تسلملي يا حءءءء بس حبيب البي ماتتاخر كتير بشتالك انا ابن عمي ,بدك اعملك شي لمن ترجع؟(بتكون غبي لو طلعت وتركتها)

الفلسطينية:ومع مين بدك تقعد؟انشالله بتطول وبتخليني لحالي زي الهبله,وللا احكيلك ,جيب معاك حفاظات للولد
وانت جاي.

الذوق والتنويع في الاكل:----------------------
السورية:سلطات ,تبولة,فتوش,محاشي,شوربات,كبه بانواعها,محمر,مشمر, يعني شفرة عامرة من كله,والله لو ماعندها بقدونس راح تعملك تبولة ههههههههههههههه بيكفي انها راح تقعد جنبك وتفتح نفسك علي الاكل
تحكيلك عجبوك ابن عمي دوء هاي من ايدي, طيب كمان هاي دوءها واحكيلي شو رايكوطيب هاي كمان وحياتي عندك لتاكلها من ايدي ابن عمي نفسك بشي وما عملته؟صحتين علي البك ابن عمي.

الفلسطينية:لو عندها كل انواع الخضار ,والثلاجة مليانة اغراض ولحمه
وسمك هو فش غيره طبيخ مقلوبة او ملوخية او فريكة واذا غلبت حالها صينية بالفرن
هذا اذا كنت محظوظ وما حكتلك فش بندورة وخيار روح اشتري,اوخلص الغاز في نص الطبخه,روح
جيب غاز اذا بدك توكل.

طبعا بوزها علي السفرة شبرين وبتبلش ضرب بالولد عشان كب الصحن وحديثها بيكون كالتالي:
اليوم اجت فواتير الكهربا والميه متي بدك تدفعهم؟اليوم انكسرت ايد الحنفيه وانا بجلي ,روح جيب المواسرجي
يصلحها بس تخلص اكل ابنك بدو عشرين ليرة يشتري كندره.

واهم اشي:بس تخلص اكل وديني عند اهلي ،طلعت روحي طول اليوم في المطبخ (يعني عاملة الغنايم ماشالله)
.......... خليها تروح يمكن تنفتح نفسك وتاكل زي الخلق....

القلم الصادق

سوري يا جماعة ياريت ينتقل الموضوع عل قعدة لف ودوران

ماروكو الصغيره

هههههههههههههههههههههههههههه شو هاد حرام عليك


هلأ الفلسطينية هيك
يمكن في متل كدة بس مش كلهم


يسلمووووووووووووو على مووضعك

تحياااااااااتي

اوركيدا

هههههههههههههههههههه مشكوره بس حرام مو الى هادي الدرجه هههههههههههههههههههه
تحياتي

طالب اي تي بنكهة صومالية

مش كل اصابعك واحد والله يا خال
في عنا بنات وربي انعم والز وارق من بنات لبنان مو بنات سوريا
يا حجي

بسوووووووم اللزيز

imported_Yafa

هههههههههههههههههههههههه

يسلموووووووو علي الموضوع الرائع

ان شاء الله ربنا بيوعندنا ببنت سوريا هههههه

تقبلي تحياتي
يافا

القلم الصادق

مشكورين ياجماعة علي المرور
محتالة بريئة يسلمو حبيبتي والله عارفة الفلسطينيات حبات توت قلوبهم ياقوت واحلي وارق واجمل واعظم من بنات بيروت وسورية كمان

اوركيدا وطالب اي تي يسلمو اكيد مو لهاي الدرجة متل ما قلت اعظم البنات البنات الفلسطينيات يؤبشو البي عسل

يافا يافا يافا بدك بنت سوريا الله يوعدك بوحدة سوريا بس تكون متل هاي اللي باب
الحارة جارة ابو عصام سبب البلاوي هههههههههه مشكور اخي العزيز