 الاهداءات | |
| |||||||
| حركات المـواضيـع الـعـــامــــة مواضيع عامه ، مواضيع ساخنه ، آراء مختلفة ، مقالات عامه كلمات قيمه |
 |
| | LinkBack | أدوات الموضوع | إبحث في الموضوع | طريقة عرض الموضوع |
06-04-2007, 01:54 PM
| ||||
| ||||
| مدرس خصوصي .......................... بابا مش ئادر اعيش ببريطانيا....ما بعرف اذا كلمه ئادر صح املائيا...لكن هذه الجمله سمعتها من فتى يدعى خلف يقولها لابوه...اكلهم يا بابا والبرد يا بابا... والبيت ...بتصدق انه ما عندي الا غرفه نوم وغرفه تلفزيون وحمام؟.........قلت بعقلي : يا ابن الكلب احنا كنا 11 نفر عايشين بغرفه كان ابوه يربت على كتفه ويقوله بسيطه يا بابا بسيطه خلص...انت اختار اي دوله بتحبها وانا حاضر وخلف كان يحكي بدلع مخلوط ببكاء خفيف مش ئادر يا بابا مش ئادر ما بعرف شو ممكن يصير فيي لو حكيت لابوي : مش ئادر يا بابا...بلاش مش ئادر...لو حكيت بابا بس....انا بتصور اننا بحاجه لكل كندرجيه البلد عشان يصلحوا الكنادر اللي راح انخبط فيها كنت قاعد مع خلف وابو خلف بحكم شغلي واقترابي من الدرجه الميسوره من البشر... وكانت اول مره بشوف فيها خلف...مع انه الفكره اللي ماخذها عن الاسم لا تمت بصله لهذا الطنط الجالس امامي...كان شعره مصفف بطريقه عجيبه...وكان يلبس ملابس مرهرطه و واسعه وملونه مع بعض البرق...وكان لابس قشاط اربعه انش...وبوط ضخم جدا.....بصراحه انا كنت شايف ملابس اكتر مما انا شايف بني ادم ابو خلف قالي: انت بتعرف انه الولد خلص التوجيهي السنه الماضيه..وطلعناه على بريطانيا يدرس هناك...بس يا حبه عيني ما ئدر يعيش هناك بالوحده والغربه فكرك اني دوله كويسه نبعته عليها غير بريطانيا؟.......قلتله .افغانستان...قالي شو؟....قلتله قصدي العراق...لا لا قصدي عنا هون بالاردن.........انا بصراحه مقهور من خلف لانه حاطط حومره او باقي يوكل مصاص احمر... علي الطلاق انه طنط.....وكنت متأكد انه الفكره مرفوضه سلفا ابو خلف قال: يا زلمه هدول بعرفوا يدرسوا هون؟.......اذا انا كنت حاطتله مدرس خصوصي لكل ماده .....وكنت مفضي الفيلا كلها عشان يعرف يوخد راحته بالدراسه ويا دوب جاب 60% عمو...هاي البلد ما فيها تدريس تذكرت حالي لما قدمت توجيهي كنت ادرس انا والغنمه....نعم..المدرس الخصوصي تبعي غنمه وانا متاكد انو غنمتنا فاهمه قوانين الفيزيا والتفاضل والتكامل اكثر من خلف....والسبب طبعا انه الفيلا تبعتنا كانت دايما مليانه وما في وسع الا بالزريبه (اسدي بالليفنغ روم) كنت اراجع دروسي على موسيقى ماااااااااااااااااء ماااااااااااااااء وكانت غنمتنا تتراقص طربا وحماسا مع الاناشيد الوطنيه وتهز رأسها ايجابا او سلبا عندما تسمع سؤال يبدا بهل وكنت اذا اخطأت بالاجابه على احد الاسئله تصدر اصواتا مصحوبه بالبصاق بما معناه طز عليك وكانت تكافئني بكاس من الحليب الطازج اذا احسنت التصرف واجبت جيدا .. اسرقه فجرا قبل ان تصحو والدتي لحلبها استعدادا للفطور الصباحي غنمتي مثقفه....وانا واثق انها لو قدمت توجيهي كان جابت اكثر من 60% عند ظهور النتائج ما حد من اهلي قالي مبروك او فرح بالعكس فقد علت الكابه وجوههم مع انه المعدل قريب من ال90% فهناك هم جديد اسمه الجامعه والمعدل لا يؤهلني لبعثه مجانيه....فيما كنت اسمع اصوات العيارات الناريه والزغاريد لاصدقاء لي كانوا على حافه الرسوب اثار شجوني هذا الخلف عندما قال مش ئادر يا بابا اعيش ببريطانيا ولكني اعتقد جازما ان خلف الحقيقي لا يزال يمسك بكتابا يمتلئ ببقع زيت الزيتون من ارض حرثها باكرا مع والده  |
|
06-04-2007, 10:34 PM
| #3 (permalink) | ||
 في الاول دحكتني وبعدين بكيتني اهي اهي اهي واواااااااااااااااا
| |||
| |
|
06-04-2007, 10:45 PM
| #4 (permalink) | ||
| .ههههههههههههههههههههه هادا يا شريف امطبق اغنيه وائل كفووري ضجكني بكيني هههههههههههه مشكور حبيبي بعين الله هيك الدنيا يا ورد
| |||
| |
|
06-05-2007, 06:41 AM
| #5 (permalink) | ||
| بجد يا اهبل ولا هبلون كلامك حلو كتير وزعلتني بس هادا شي واقع وعيشينووو وبعين الله وسلملي ع الغنمه تبعتك ×?°[align=center]نكيش ولاهاموو[/align]×?°
| |||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طريقة عرض الموضوع | |
| |
 الإعلانات النصية | |||
[/align]
[/align]
[/align][align=center]تحياتي لمن دمر حياتي
[/align] 
العرض العادي
