حماس اللي بتحكي عنها يا ست سومة طلع منها شهداء زي ما طلع من فتح شهداء فأرجو انك ما تتحدثي عن حماس بصيغة الجمع انما احكي عن العناصر الفاسدة اللي فيها وما في تنظيم غير فيه عناصر فاسدة فتح ولا حماس بس الواحد لازم يحترم الشهدا اولاد حماس او اولاد فتح اللي باعوا روحهم وباعوا الدنيا عشان ييجي واحد في الاخر زي حالتنا هيك قاعد عالنت ومبسوط وبسمع اغاني وبشرب شاي وبدردش مع اصحابوا و صاحباتوا ويزاود عالتنظيم اللي حمل اسمو هادا الشهيد ....
انا ما بدافع عن حماس ولا بهاجم في فتح لاني مش فتحاوي ولا حمساوي بس يا ريت وبخاصة فئتنا فئة الشباب يفكروا انو ما فيها شطارة للي بنكت وبهاجم في تنظيم التاني بالعكس لازم الواحد يستحي من الوضع اللي احنا عايشين فيه وقبل فترة كان هناك رسالة من شباب اسرائيل لشباب فلسطين مشان الاسير جلعاد شاليط و الرسالة ما كانت موقعة باسم كاديما ولا العمل ولا اسرائيل بيتنا بس كانت موقعة باسم شباب اسرائيل واحنا من شطارتنا شو عملنا بعتنا لشباب اسرائيل مليون رسالة كل وحد موقعة باسم حزب.. واحدة من حماس وواحدة من فتح وواحدة من الشعبية وواحدة من اكم من شب شافوا حالهم فاضيين قالوا يلا نرد باسمنا......
انا اللي بتمناه انو نكون شباب متعلمين مش اطفال و بدل ما تكون شغلتنا كيف نهاجم هادا التنظيم ونطلع نكت على هادا التنظيم تكون شغلتنا بالدعوة للوحدة لانو حماس مش هيا اللي محتلة ارضنا ولا فتح كزلك واذا كانت حجة كل واحد عامل حالو انو ابن تنظيم ويا ارض انهدي ما عليكي قدي وبدور كيف يكاتل في حماس او في فتح لانو والله الو قريب او صاحب مات من احد التنظيمين في الاحداث المخجلة اللي صارت انو نشوف شطارتوا مع اليهود اللي كتلوا منا اعز القرايب والاصحاب وعيني عينك بشوفت كل العالم ........
انا متأسف اني طولت بس كل اللي بدي اياه انو عقلنا يكبر شوية ونشوف مصلحتنا اولا وين في دحر حماس في غزة ولا القيام بانقلاب اخر في الضفة ولا تحرير فلسطين من اللي محتلنا وللي بتمسخر على هادي الكلمة ((تحرير فلسطين))
بقوللوا هادا وعد من ربنا مش وعد من اوباما ولا نتنياهو ولا مبارك ولا اي حد
وتحياااااتي للجميع
الاهداءات
06-14-2009, 12:24 AM
لا بفوتكم ,, كلكم تعالوو شوفو ,, شجرة حماس المثمرة 
العرض العادي
