شهر وسنه عم تمرق الايام
والليل باكي فوق خيمتنا
واطفال تحت البرد عم بتنام
خيمه وريحة ظلم عصفتنا ياخييييييييييييييي
وجدي مريض يتوكله الاسقام
واختي وانا بنولك دمعتنا ياميييييييييييييي
امي حزينه دموعها ارقام
ارقام تحكي بعد نكبتنا يامييييييييي
تحكي عن المعراج يا اسلام
عن مهد عيسى وعن كنيستنا
تحكي ع جور اخوانا واعمام
وتسكب ملح ع جرح طعنتنا
لوحات تعجز ريشة الرسام
بعد ودما ودموع عيشتنا
نحنا يامي بذل ما بنام
ورد الردى والفدا عادتنا
لازم نفجر حمم من الخيام
ونسمع الناس صدى صرختنا
ونحنا يا امي للوطن اعلام
من دمنا بنكتب قضيتنا
ويامي انا دمعه من الايتام
ونوح الحمامه فوق تينتنا
وشبابة الراعي ورا الاغنام
وعنة عتابا فراق ديرتنا
وتنهيدة الحصاد تالي العام
وموال من رجاد حقلتنا
وفية زيتونه معبعبه الاكمام
وريحة خبز طابون حارتنا
وانا ياامي صرخة دلال تصارع الاجرام
ع ارض حيفا وحد طيرتنا
وزئرة فدائي فجر الالغام
بسافوي حتى الناس سمعتنا
قوموا اسألوا العرقوب والخيام
تبنين تتغنى برجولتنا
فينا الكرامه اتزايدت تكرام
الاغوار عم تبكي ع سيرتنا
عز المجد فينا وعملنا وسام
ويتعلق ع صدر امتنا
يامي كفانا نعيش بالاوهام
كذب ودجل ووعود حاجتنا
حاجتنا نشكي الظلم للظلام
ونبوس ايد اللي ذبحتنا يامي
يامي كفانا نعيش بالاحلام
ماعاد بدها شرح حالتنا
بدها باروده رصاصها الاقلام
والقنبله توقع شكايتنا
بدها رجوله وتضحيه واقدام
بدها عروبه تصون ثورتنا
بدها عروبه تحطم الاصنام
وتشيل الخاين من عروبتنا
والقاهره ترجع لحضن الشام
وتقول ياحباب الوفا عودو بعز وشرف ياطيب عودتننننننننننننننننننننننا

أمل المستقبل

مشكور عاشق وطن على ما قدمت
وبارك الله فيك

عاشق وطن

اهلا بالامل شكر اختي الكريمه

لحن الوفاء

مشكور عاشق وطن على ما قدمت
وبارك الله فيك

ابو جهاد

مشكور اخ عاشق وطن على النشيدة الرائعة

تقبل تحياتي و مروري

بحر الاحزان

نضال

مشكور على ما قدمت