 الاهداءات | |
| |||||||
| حركات القصص والروايات منتدى القصص الواقعية و الأدبية و الحكاية الشعبية . |
محادثـــــــــة تبكي...
منتدى القصص الواقعية و الأدبية و الحكاية الشعبية .
 |
| | LinkBack | أدوات الموضوع | إبحث في الموضوع | طريقة عرض الموضوع |
| الاهداءات | |
| |||||||
| حركات القصص والروايات منتدى القصص الواقعية و الأدبية و الحكاية الشعبية . |
|
| | LinkBack | أدوات الموضوع | إبحث في الموضوع | طريقة عرض الموضوع |
06-06-2009, 09:07 AM
| ||||
| ||||
 محادثـــــــــة تبكي... -------------------------------------------------------------------------------- بسم الله الرحمن الرحيم ياااااارب ياااااارب احسن خواتمنا شي يخلي الواحد يبكي السآعه 4 الفجر ..يوم الاربعاء جآلسةدانه على النت سهرانه وصوت ضحك دانه مآلي بيتها و كل الي فيه نايمين الا دانه.. فآتحه المسن الي اربع وعشرين ساعه عليه .. فجأه دخلت ساره .. ساره..اهليين دنوو شخبارك؟ دانه.. هلا والله ساره :ساره دانه طفشانه.؟؟ :دانه لآ عادي ليه؟ :ساره بسوي لك انفايت مع هذاك الي قلت لك عنه :دانه مين ياسر؟ :ساره هههههههههه لآ ياسر خلاص راح الغبي هذا نوآف الخاقوق :دانه ههههههه هذاك المملوح الابيضاني :سآره بالظظظظبط :دانه امانه شلون جبتي ايميله .. :ساره مره حطه بالنت لوق حقه ولطشته :دانه سويت له آآد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل :ساره اوكيه :ساره نوآف هذي دانه..دانه هذا نواف :نواف يآ هلا والله بدانه :دانه هلا بك اكثر .. مرت الساعه وحنا سواليف وضحك وحش وشوي شي مشفر .. :دانه يووه اذن مالي خلق اروح المدرسه :نواف غييبي ..خل نكمل سوالف مررره انتي كيوت :دانه وانتي ساره ؟ :ساره تصدقين انا نفسي اغيب :دانه اجل برب اسكر الباب عشان ما يزعجوني ..وه يا حلوك يا نواف انت وسواليفك .. جلسنا تقريبا نسولف لين الساعه 7 .. :دآنه يووه خلاص دخت بقوم انام ..نواف نور المسن :نواف بوجودك قلبو :دانه .. انسدحت دانه على السرير وهيه دااايخه ..غمضت عيونها وفكرت بنواف الحلو اضفته اليوم بدل عمر الفاشل خخخخ سوالفه حلوه ..اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت ان شالله بصلي .. السآعه9 ونص قامت دانه من صوت مسج الجوال تقول يوووه من وقته هذا يرسل اللحين .. فتحت الجوال كانت من ساره تقول فيها" بسرعه ادخلي في هوشه "بالمسن تحمست بسرعه وفتحت لاب توبها دانه وايميلها ما امداها دخلت الا ساره دخلتني انفايت فيه ناس كثار وفهمت من ساره السالفه بمحادثه ثانيه واستهبلت دانه تتهاوش لييين روقت .. خلصت الهوشه بعد ضحك طوويل واعتذار احد الشباب مع انه ما غلط .. فتحت النت لوق حقي لو حطت صورة فمها بس محد عارفها !! فكره والله شبابنا يخقون على طرف عبايه ودانه خلقه تهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!! رجعت للاب توبها ودانه فيها نوم بس شافت نواف داخل جلست تسولف معه شوي .. فجأه كل شي بدا يجمد فيها الدنيا بدت تظلم كل شي ظلام وش صار ..الاب توب فوقي وكأني نايمه بعمق ما اسمع الا صوت المحادثه بس :ساره دانه وينك؟ :نواف وين رحتي دانه *اشارة تنبيه* :ساره شكلها انشغلت المهم كمل السالفه .. كل شي ظلام تبي تتحرك تبي تقوم .. لا ميته دانه اللحين ..تقول: ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !! ونواف وعمر ومشاري وسعود الي في ايميلها؟ والفيس بوك ؟تقول: ياربي رجعني يارب مر الوقت طويل وودانه بس تسمع مصوت المحادثه الباب يطق انفتح تسمع الخدامه تاتي تنادي بأسمها دانه ما ترد جلست تصرخ وتنادي بأمي ..تقول دانه لا انا اسمع تعالي يا تاتي تعالي بس بقول اسفه على الصراخ الي تاخذينه مني كل يوم تاتي بس حلليني ياربي قومني بس تحللني دخلت امها وقرب الصوت لعندها اكثر امها دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه .. تقول دانه يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني أغاني..!! دانه ماتت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس .. تقول ياربي رجعني اصلي ركعتين يارب شالوا الاب توب منها وغطوها بشرشف الصلاه بعد ما انهارت امها مر الوقت ببطئ ودخل اخوها معاه ابوي يبكون شايلينها اخوها وابوها وراه يبكي اخوها ؟ والسهر ايام الاجازه بالملحق والرقص ؟ واستهبالك على البنات الي اعطيك رقمهم وتقول يارب رجعني يارب بس اصلي ركعتين ركبت السياره ورا ودانه ملفوفه بعبايتها الي كلها الوان وزخرفه وصلت المستشفى ودانه تسمع صوت نفس اخوها وازعاج ناس حولها .. رفع الدكتور راسها بعد ما غطانها بشرشف ابيض وقال: تشخيص الحاله .. موت سكته قلبيه مفاجئه سمعت حولي ابوها وشهقة اخوها :ابوها لآآآآآآآآآآ حول ولا قوة الا بالله لاآآآآ حول ولا قوة الا بالله :اخوها يبه قل لا اله الا الله قل لا الله الا الله البكا ما ييفيد شي .. دخلوها ثلاجة الموتي بعد ما غطوها بالكامل الا راسها وملفوفه بقماش ابيض .. مر الوقت وكل شي ظلام وهدووووء تقول ياربي رجعني اصلي ركعتين بس يارب شوي سمعت صوت الثلاجه تنفتح طلعوها بعد غطوها بالكامل وركبوني سياره الاسعاف وانا اسمع اذان صلاة الظهر .. تقول يارب رجعني بس اصلي الظهر بس اصلي بوقتها يارب ..ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت .. دخلت الغرفة ودانه تسمع صوت حريم غسلوها بمويه بارده وحطوا عليها بعض الاشياء وقسمت شعرها اربع اقسام بعد ما غسلته وجدلتهم بس من قصره ما قدرت تسوي شي واانا اسمع الي تغسلنها و تدعي لها دخلوا ناس علي ..هذا صوت امها تبكي وتمسكها .. هذا صوت اختها الي ياما ويااما تهاوشت معها .. خآلاتي .. بنت خالتي لينا ايام الاستهبال على الشباب بالارقام والحش بكل خلق الله هذي لمياء ايام ما كانت تنصحنا لا علينا المسجل على الاخير ونعاندها نزيد الصوت هذي مرت خالي احمد لما كانت تربط على خصري وتعلمني كيف ارقص وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب وصلنا المسجد وحطوها قدام المصلين وانا اسمع الامام يقول "الصلآآآآة على الميت يرحمكم الله " بدوا يصلون عليها وتسمع شهقات اخوانها واهلها ..خلصت الصلاه والكل قام يعزي :عظم الله اجرك يابو فلان" "الله يرحمها ويخلف على شبابها بالجنه" وهمهمات ابوها واخوانها من البكي ما ينسمع وش يقولون ..يارب رجعني لو استغفر بس دخلوني في سيارة الاسعاف ووصلنا المقبره وشالوها كثار وتسمع اصوات رجال كثار والمميز بينهم شهقات اخوانها الصغار الي كنت اعلمهم يحفظون بعض مقاطع الاغاني .. يارب رجعني استغفر بس شالوها وتسمع دعاء الكل ..شالها اخوها وحطها في حفره ضيقه تقول تكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفره فتحو وجهها وطلعوا يدينها وحط الحجر والتبن واللبن ودفنوني والكل يدعي "الله يرحمها بواسع رحمته يارب" "الله يخلف على شبابها بالجنه" "الله يرحمها ويصبركم " "اللهم بدلها بأهل غير اهلها واغسلها من الذنوب والخطايا" هذا صوت خالها احمد هذا صوت عمها سلطان الي كان يعلمها كيف تشرب الزقاره بالخش والدس وبعدها ما شربت هذا صوت ولد عمها ثامر ايام المراهقه كنوا سوا هذا صوت وهذا صوت وهذا صوت .. وش يفيدني اللحين راحوا ودانه تسمع صوت رجولهم تقول لا تروحون وتخلوني لااا وصوري بالنت لوق ؟! وكل شي سويته ؟!الاغاني؟ وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت والبنات الي بالمدرسه؟ الي ما بقى احد ما حشيت فيه بيسامحوني ؟ معلماتي الي كلهم هبلت فيهم وتحسبوا علي بيحللوني ؟ ذنوبي كلها وش اسوي بها يارب ارحمني يارب بالعزا صيآح ونياح وازعاج الكل يترحم علي قسم الحريم وقسم الرجال كلهم يقربون لي .. وين صديقاتها ؟! وين الناس الي تكلمهم مسن؟! وين وين وين وين ؟! كل شي تغير فجأه .. وين الي يحبونها ؟ وين حبيبها العاشق الهيمان؟وين وين وين ؟! بالمدرسه انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم قال ببتسامه .."اييه الله يرحمها ويغفر لها على كل ما سوته لنا" نواف؟! ساره؟ عمر؟ مشاري ؟ سعود؟ الخ الخ الخ ثلاث ايام.. بكو او مجرد حزنوا .. ورجعوا على حالهم وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك .. وهذي هي الادعيه تنتشر ..من صديقتها يناشدون الناس يدعون لها .. ببس حطوا نفسكم مكان دانه وتخيلوها انتم بعيد الشر محد يبغى يكون نهايتة زي دانه !! طيب ليه نسوي زي الي تسويه دانه بالظبط؟ لو يصير لنا نفس الي صار لدانه وش بنسوي ؟! وش موقفنا قدام ربنا؟! قبل لا نسوي الشي ليه ما نفكر بالعواقف الدنياويه والاخره صديقات دانه؟ كلها كم شهر وينسونها لانهم من نفس نوع دانه .. ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهدايه؟! اللهم ارزقنا حسن الختام والثبات عند السؤال  |
|
06-10-2009, 09:15 AM
| #8 (permalink) | ||
 يسلمووو ع القصة الرائعة  تحياتي الك
| |||
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طريقة عرض الموضوع | |
| |
 الإعلانات النصية | |||
[/IMG]
العرض العادي
