::: ماذا يعني الحصار؟ :::

مهاجر · #1 (**permalink**) 01-23-2009, 10:22 PM

ميرنا سخلة، طالبة جامعية، بريطانيا

ماذا يعني الحصار؟

ماذا يعني "الحصار" – شو يعني حصار؟!

منذ عامين و بلدتي تحت الحصار

شو؟ ما فهمتش!

بسيطة، رح اكولك باختصار

بلدنا سجن كبير، ملوش سكفيّة، اله جدار

المساحة: 360 كم2 – عدد السكان: مليون ونص! مش كتار

ما تسألنيش عن العملة، عن العاصمة، رجاءً بدون اصرار

الله يسعدك ما تحرجنيش يا زلمة ازا علم البلد الأصلي طار

طيّب كُلّي، تشيف الوضع؟ تشيف الأحوال؟

بطالة ما فش أشغال

وينهم اصحاب رؤوس الأموال؟

الله بعلم بس اكيد بشتغلوا في الحلال

اضراب معلمين... فش معاشات

تعليق طلاب.... فش محاضرات

كل واخد ساكن هون... رخ يضل مخبوس هون... هيك وصّانا شارون

المعابر مش رخ نفتخ.... لا بكرا ولا بعده ولا بعد الف يوم

المي مقطوعة... الكهربا مقطوعة... وخط التلفون مقطوع

الله يقطعها من عيشة، بس الفواتير اللي عمرها ما بتنقطع... يا الله يقطعها

أبواب السجن مسكرة... المي اللي بتوصلنا معكرة

فش بضايع مستوردة تدخل... وصناعة محلية يدوبك عنّا

المحلات بتفضى...والمستودعات شو بتحمل

احفر نفق... هرّب بضاعة... احسن حل لالنا

بضاعة تهريب...أسواق سود... الطلب عالي

استهلاك رهيب... والعرض محدود

كل الأسعار عم تغلى... جرّة الغاز عم تفضى... والقهوة مش كاينة تغلى

بلّشت تفهم شو يعني حصار؟

منع تجول – ما في طلعة من الدار

احمد ربك لسا عندك دار

جارك بيته انقصف وطار

والله مش هاين علي اسملّك بدنك

بس بدك تعرف... ممكن يستشهد ابنك

منقعد بالليل على ضو الشمعة

بدرّس ابني وبقلبي دمعة

خايف شي يوم يطلع عالمدرسة

يرجع شهيد ويموت حلم الهندسة

سميتلك بدنك غصبن عني... بس هاد تعريف بسيط (للحصار)

غلط غيري وسماها اتفاقيات سلام... في الواقع هيّ معاعدات دمار

شاطرين في الشعارات "بناء دولة فلسطين مستقلة وعاصمتها القدس"

آآه ه ه مزبوووووط!!! يبقى موووووت يا حمااارر

لسا بتسألني "كيف حالك"؟ شو بدك ياني اكولك

متسخّم وماكل والوضع دايماً برجع لورا

بس "عايش – منيح – كويس -- تمام"

خد منّي وعد... بحلفلك بوطني... بمحمد ويسوع

رح اضلني فلسطيني و راسي مرفوووع

البرنسيسة · 06-16-2009, 12:19 PM

فعلا الحصار افظع شئ بالوجود وكفاية شعارات لاننا مللنا منها نريد فعل وتحركات وحسبنا الله ونعم الوكيل

مهاجر · 06-16-2009, 07:34 PM

ما بنسمع غير الكلام

والافعال وينها ما حد بعرف اراضيها

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
اغرب نغمة اخرس يغني	آهات دفينة	قسم نغمات الجوال و البلوتوث	2	05-18-2009 06:25 AM
اية تقراْ من اليمين الى اليسار وفي نفس الوقت من اليسار الى اليمين	بحر الاحزان	حركات الشريعة والعقيدة الصحيحة	8	05-11-2008 07:30 PM
لا يعني و لا يعني ولا يعني	نضال	حركات المـواضيـع الـعـــامــــة	1	01-05-2008 09:12 PM

::: ماذا يعني الحصار؟ :::

منتدى للمواضيع الثقافية و الأدبية اضافة الى النثر و الشعر

::: ماذا يعني الحصار؟ :::

حركات الأشعار والغراميات

الذين يشاهدون محتوى الموضوع الآن : 1 ( الأعضاء 0 والزوار 1)

الاهداءات

الإعلانات النصية
يوتيوب	شات