 رد: ابو هادي ضيف كرسي الاعتراف
نيجي لسؤال اختنا بنت الحرمين ابو هادي وش تعنيلك الصوره الشخصيه ؟؟ هالصورة اول مرة شفتها في جوال صديق الي و كنت لحظتها بقلب في الجوال و كانت نفسيتي تعبانة و اول ما شفت هالصورة شدتني كتير ما كنت بعرف ليش لحظتها أخدتها بلوتوث على جوالي و عملتها خلفية شاشة لكن عشان اكون قدرت اجاوبك راح احكيلك بكل صدق انا من الاشخاص اللي مستحيل ارضخ لواقع و مستعد اضل اخانق و اعافر لحد ما اوصل لحقي. ولو ما وصلت و حسيت حالي اني فشلت اول شي بعمله بحب اعذب نفسي و الوم نفسي و اقنع نفسي اني غلطان و ما استخدمت كل الادوات المطلوبة للوصول للهدف حتى لو كنت بعرف انه مو بايدي صار هالشي. لكن لو ما لمت نفسي راح اخلي نفسي لقمة سائغة للظروف الخارجية تلعب فية متل ما بدها و اكرن انسان بلا ارادة و ثقتي في نفسي راح تتزحزح . هالصورة بتوضحلي انه هناك امكانية لاستخدام ادوات قد تكون لا تخطر على البال و لكن في حقيقة الامر هالادوات قد يكون لها فعل السحر في الوصول للهدف. و كما ترين الصورة لرجل يستخدم ادوات التزلج على الجليد لكي يتخلص من العاصفة التي تواجهه في الصحراء طبعا هالنظرة نظرة شخصية تبعا لشخصيتي و ظروفي ولكن قد يراها غيري بشكل اخر و ذات معانى و تعابير اخرى باختصار شديد هالصورة بتوصل فكرة ان الادوات كلها مباحة للوصول الى هدف تتمناه فما عليك الا توسيع الافق و التجربة و لكل مجتهد نصيب . سامحيني على الاطالة و لكن سؤالك من اجمل الاسئلة تحياتي اختي 
التعديل الأخير تم بواسطة ابو هادي ; 03-12-2009 الساعة 12:32 PM |