[align=center][/align] غالبا ما تكون المرأة في مجتمعنا الشرقي ضحية افكار واعتقادات بعيدة كل البعد عن الدين اولا وعن المنطق ثانيا
بالاضافة لهالشي انو احنا كعرب بتحكمنا الالقاب في تقيم اي شخص دون النظر للجوهر بمعنى انو لقب ثيب وبالتحديد للمراة وضعها في قالب دوني من وجه نظر بعض الناس وهما للاسف بشكلو الاغلبيه مع العلم انها ما ارتكبت جريمة بل بالعكس هيا ضحية لظروف خارج اطار ارادتها
في المقابل هيا وحدها بتدفع ضريبة هالظروف
يعني وين المشكله لما شاب اعزب يرتبط بامراة ثيب (مطلقة او ارمله)وشو الفرق اساسا بينها وبين اي انثى لم يسبق لها الزواج؟؟!
عامل الخبرة يعني متل ما حكا ابو هادي في رده ع كل الاحوال الخبرة دائما بتنتج شي افضل يعني هالشي رح يكون من صالح الزوج الثاني وبلاش النظر بطريقة حساسة وبعيدة عن المنطق في هيك امور
والرسول صلى الله عليه وسلم اكبر معلم للبشرية كلها فكان زوجا للمطلقة والارمله والبكر والاكبر منه سنا وهالشي حكمة من ربنا انو وضع زوجات الرسول عليه الصلاة والسلام في هيك حالات حتى نتعامل مع المراة في هيك حالة كوضع طبيعي خارج عن ارادتهاوالتعامل معها بصورة طبيعةو مناسبة وما نضخم الامور على حسب اهوائنا وتقاليدنا اللي ظلمت المراة كتير في هيك وضعية
مشكورة روز على طرحك للموضوع الهادف
