والله يا مهاجر انت فتحت موضوع كتييييييييير مهم و انا بعتبره وقفة تأمل مع الذات و استخلاص حقائق
شوف يا باشا
اول شي بجد انا كلمة" مثقف" بحطها بين مزدوجين لانها شوي بتكون كبيرة على اي شخص لانه بنظري ما في انسان مثقف بمعنى الكلمة يعني كل انسان مهما وسعت مداركه و معرفته بضل متخصص و مشدود لاشياء معينة او اهتماماته بتكون مصوبة و متركزة على جانب او اختصاص معين (سياسي اقتصادي اجتماعي عقائدي 00الخ)
وطبعا بحر المعرفة بتخصص واحد بكون ما اله حدود فما بالك لو كان معرفة بكلللل شي؟؟؟؟؟
تاني شي بالنسبة للسؤال عنوان الموضوع انه هل المنتديات تصنع مثقفين؟؟؟؟؟؟
رأيي انه اي وسيلة اتلقى فيها اي معلومة جديدة علية بعتبرها منبع ثقافة يعني على سبيل المثال برامج التلفزيون الثقافية متل من سيربح المليون انا شخصيا بعرف ناس كانو يكتبو كل سؤال و جواب في كل حلقة لدرجة انهم عملو اكتر من دفتر معلومات عامة وهي بحد ذاتها بتعطي جانب من الثقافة فما بالك المنتديات ؟؟؟؟
بعدين اسلوب المنتديات بوجود اعضاء و الردود و وجهات النظر بعمل متعة للشخص بحيث انه بياخد معلومات و هو بنفس الوقت بحس انه بيقضي وقت حلو بين الاعضاء يعني بجمع بين( المتعة و الثقافة)
المنتديات اليوم اصبحت وسيلة معلومات لا يستهان فيه بصراحة هاد ناتج طبيعي للاسلوب المفروض اليوم بعمل التكنولوجيا الحديثة في هذا العصر وكما ذكرت بتجمع بين المتعة في قضاء الوقت و كمان اخذ حيز غير قليل من المعلومات
اللي بدي اقوله انه المنتديات هي احدى منابع الثقافة الحديثة و احد اساليب جمع المعلومات الجديدة و الغريبة احيانا
ملحوظة مهمة جدا برأيي\\\ المثقف يا اخوان مش اللي عنده معلومات و كم معلومات من وجهة نظري الشخصية انه هاد شي غير صحيح
انا رأيي انه المثقف هو من لديه معلومات في جانب معين ( مش كشكول يعني ) و يستطيع ان يكون رأي شخصي سواء تدعيم للمعلومة او تطويرها يا سيدي اقل شيئ انه يقدر يوصل هالمعلومة للناس و يناقش بها و يكون رأي شخصي مش يكون متلقي وبس
وياااااااااااما ناس عندها معلومات و لكن ما استفاد منها و لا افاد غيره كمان يعني مجرد مخزن مقفول مصمت مخزن فيه الكثير من الكنوز ولكن اكلتها الغبرة
الموضوع طويل و يا مهاجر وحلاوته انه غير شائك
انا بيني و بينك اصابعي خدلو هلحين من الكتابة
عندي الكثير اقوله في هذا المجال
الي عودة ههههههههههههههههههه هي دلوعة احسن مني ؟؟؟؟؟
اذا هي الها عودة انا كمان الي عودة
مشكور يا مهاجر على تعب البال
