:p[align=center]بسم الله الرحمن الرحيم
موضوعي اليوم راح يكون باللهجة العامية
وبالـتأكيد مابحكي عن كل الشباب ولا البنات
لأنه الدنيا بعدها بخير يارب
كلنا بنقول
هالجيل أفجع
بياكل مابيشبع
بتحاكيه لابيرد ولا بيسمع
وبيروح ومابيرجع
مابيعرف بالليل النوم
وع الانترنت والتلفزيون بيصحى وبيقوم
دروسه نادراً مايحفظها
وواجباته ووظائفه دوم عم يتذمر منها
حياته ومشاعره مفككة
والشباب والبنات دوم ملبكة
بس ياترى
وياهل ترى
مين مننا مرة سأل حاله شو السبب؟
وقت اللي هو بيطلب طلب
تكرم ومن عيوني حاضر
والكل بيقل له طلباتك أوامر
بدك بلاي ستيشن وجيم بوي وكمبيوتر
من بكرا وحياتك راح تحضر
بدك ياعيوني مصاري
الخزنة مفتوحة الك وخجلك لاتداري
ومن كتر ماعاش برفاهية
صار مش قادر يحمل مسؤولية
ووقت الأب بيحكي شوي
بتجي الأم وبتقل له اتركه حرام يارجال
وبرأيي الشخصي والمتواضع
وأنا بكلامي لا عم هاجم ولا عم دافع
التوازن سيد التربية وأكيد مطلوب
وإلا راح يطلع هالجيل مريض ومعطوب
لأنه وقت بنعطي حرية بلا حدود
راح نخرب عليه ويصير عقله مفقود
والدي ووالدك
وعمي وعمك
ماكان عندون لاكتير أقلام ولا دفاتر
ولا دزينات محايات ودفاتر
بس كانوا بكل شي من الأوائل
وبشغلهم ودراستهم فطاحل
وياريتنا نعرف إيمتى نقل له أمرك وحاضر
وهيك بنكون حطيناه ع الطريق الصح وجنبناه كتير مخاطر
نحنا اللي ربيناه وخليناه ضايع وفظ
وبعد هالشي بدنا نقول مالو حظ!!!!!!
سكر على ولادك بترتاح !!
بس ماتنسى تعطيهم المفتاح ...
يارب تحمي أولادنا وبناتنا
وتقدرنا نربيهم أحسن مماتربينا
طولت عليكم سامحوني
وإذا غلطت قوموني
هع هع هع هع هع
سلاموكااااااااا ياحلوين
تحياتي للجميع
مـــودي[/align]