منتديات حركات - عرض مشاركة واحدة

دلوعة جوزي · 06-03-2008, 12:40 AM

عنجد انتي طرحتي موضوع حساس كتير صحيح في ايجابيات وسلبيات من السكن في بيت الزوج او العكس وما زالت بعض الاسر محتفظة بهذا النوع من الزيجات .

انا راح احكي عن تجربتي الشخصيه بصراحه انا بدئت حياتي ببيت مستقل ولله الحمد يعني ماجربت شو يعني بيت العيله واهل الزوج لكن انا عندي رأي أخر بهيك موضوع (( الزوجه وبيت الحمى ))

مسئلة السكن مع العيله برأي الشخصي ليها محاسنها وليها مساوئها وبالأول وبالتاني بترجع لضروف الزوج وبهاي المرحله لازم الحماه والكنه يراعو مشاعر بعض وبدكم الصراحه انا حكون صريحه جدا بهيك حوار

انا هوووون بحمل مرت الابن مسؤليه كبيرة عارفين ليه لان الحماه ام ولولاها انا ماتزوجت اروع الرجال هيا بتربايتها وتعبها طلعتلي هالرجال يلي بنضر الزوجه اكمل البشر مين رضع ... من سهر عليه وتعب الليالي... من كان يشيل اللقمة من فمه ليضعها في فم ابنه هيا الام وذاك الاب الي تعب وسهر ليالي ليجيب ويأمن الحياه الكريمه لولادو وين انا من كل هالتفكير سواء باهلي او اهل زوجي لازم اراعي ان اهلوا هما اهلي وما اقصر بحقهم ابداااا إحترام أهل الزوج وتقديرهم من قبل الزوجة يزيد
زوجها حباً فيها ، لأنه يعرف أن حبها لهم ما نبع إلا
من حبها الشديد له واحترامها وتقديرها لحياتها معه

فليه اجي انا و احاول بحبي ليه اتملكوو واغار من امو ومن ابوه ومن يلي حواليه والام نفس الشي يناااس الام طبيعي بداية زواج ابنها تحس انو وحده اخدتوا منها حتا لو زوجتوا وحبيبتو لاء شعور طبيعي الام يلي طول عمرها ابنها تحت شراعها عايش ومهما كبر راح يتم الابن الصغير يلي بينام بحضنها هون المسئله بدها تقدير عقلاني اكتر من العاطفه لازم زوجة الابن تتحمل الحماه لو شو مصار عارفين ليه لان تربايتنا حكمة علينا احترام الكبير لو شو مكان والصمت افضل حكمه انا بطبيعتي بصمت عند اي مشكله مو ضعف فيا بالعكس هاي قمة قوتي لان لا بجرح حد ولا بتعدى على مشاعر حد بلتزم الصمت وبكون بقمة احترامي للي امامي
وتاني شي حماتي اعتبرها ماما ومتل مابحب زوجات خواني يعاملو ماما انا لازم اعامل حماتي بالمثل والطيبه
بعدين حكاية السكن بالعيله انا شايفتها مو غلط لو كان متلا بيت كبير ومقسم واهلو هما اهلي بس انا بصراحه بالمجتمع الخليجي هون عناا مافي شي اسمو بالعيله وهيك شي فما جربت شو يعني العيله

لكن لو فكرت فيها وكنت متلا متزوجه بغزة بجد بجد بجد كرمال عين تكرم مرج عيون كرمال زوجي بعيش وين ميكون ولا اني ادايقوا بضروفوا بصبر وبحكمتي وعقلانيتي بعيش مع اهل الزوج واذا اعتبرتهم اهلي وشلت كل التكاليف اكيد ماراح احس انو هاي حماتي وانا الكنه

هناك وراء الابواب كل الابواب المغلقة توجد هموم
كوني لزوجك ارضا يكون لك سماءا.....كوني له امة يكن لك عبدا
اتمنى من كل قلبي ان ترف السعادة على جميع البيوت مشكورة حبيبتي على طرحك لموضوع قيم وبتمنى الجميع يرد عليكي بدون اي دبلوماسيه